Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 89 | година XVI | март-април, 2013



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 89март-април, 2013
Поезија

Дневната светлина на историјата

/7
стр. 1
Ристо Лазаров

Бела ѕвезда бело насмеана
Дневната светлина на историјата
Сенките од Вердиевиот Реквием
Куферот на Ханичка Брајдова
Ѓолче од сестрински солзи
Нема дожд, ни по дождот сонце
Благосостојба на реверс

_______________________________________________________________________

Бела ѕвезда бело насмеана

Над влезната порта
венче од детски солзи
му пркоси на законот на гравитацијата

среде бело венче
ѕвони бело ѕвонче
бели коњи со распавтани бели сни

и занданите имаат облик
– бела ѕвезда бело насмеана
со опашка од бела роза

бели галежи
на бела свила од првата ноќ
до последната бела виделина

бел садник од рози во срцето
– осаменоста ја скорива љубовта
гнетот го скорива гневот

бело варосани ѕидови
во нив светлината жртва заѕидана
врела голтка запрена среде суво грло

и смртта тука имала бела боја
и многу сакала да гушка
листиња од црвени рози.






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+