Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 93 | година XVI | ноември-декември, 2013



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 93ноември-декември, 2013
Поезија

Езерата во Висконсин

/5
стр. 1
Иван Христов

Лари
Шевролет
Singer
Авиони
Нулта кота

_______________________________________________________________________

Лари

Сето ова се случи
на бреговите од езерото
во државата Висконсин,
кога Лари ми ја отстапи
неговата гостинска куќа.
Една мала куќа
со фотки по ѕидовите,
со бања, кујна и туш,
со пијано, машина за пишување
и салон.
Лари тогаш не знаеше,
дека пред тоа бев живеел
кај семејството Василеви,
коишто многу се плашеа
дека ќе станам алкохоличар,
иако нивниот син беше
алкохоличар и една ноќ
ми го украде телевизорот.
Потоа бев живеел кај Крум.
Кога влегов во неговата бања
соседката списка,
дека ходниот е целиот поплавен.
(Мислам дека Крум не се имаше
капено десет години.)
Лари, исто така, не знаеше
дека бев живеел кај Симон,
на улица Раковски.
Убава беше таа соба,
ама немаше прозорци.
Купив една малечка ламба,
што ја вклучував ноќе,
за да не се будам
како во сандак.
Бев живеел дури и во една визба,
во касарната,
со Гонзо – буцмаст сирак,
кој секое утро
отвораше очи
и палеше цигара.
Лари, пријателе,
колку работи ти не знаеш!
Ти благодарам,
што ми ја отстапи
твојата гостинска куќа.
Благословен биди,
оти сега овие стихови ги пишувам
на твојата машина за пишување.






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+