Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 95 | година XVII | март-април, 2014



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 95март-април, 2014
Поезија

Градот убав

/6
стр. 1
Илина Јакимовска

Пристојна дистанца
Возен ред
Градот убав
Ѓаватски етиди
Најважната игра
Толку?

_______________________________________________________________________

Пристојна дистанца

Сликано е од преблиску,
веројатно сам го држиш апаратот.

Како и секогаш на таквите фотографии
некои делови од лицето штрчат,
а некои се оправдано отсутни:
носот е бабурест,
очите ококорени,
насмевката без врска.

„Тоа сум јас
кога немаше кој да ме слика“
или
„Го пробувам макрото
на новиот Канон“,
би биле соодветните наслови.

Исто е кога сум ти преблиску -
нешто не е симетрично,
не е како што треба.

Небричен си или си остарел,
лошо си спиел или си огрдел?
Ти ли си, не ли си?

„Ми се врати топлината кон неа“,
вели Кокоруш во еден расказ,
„оној вид восхит што можеш да го осетиш
само кон оној кој ти е далечен“.

Си се восхитуваме ли од далеку,
или сме само далечни?






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+