Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 97 | година XVII | јули-август, 2014



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 97јули-август, 2014
Поезија

Пепелашка во хромиран ковчег

Превод од српски: Игор Исаковски


/8
стр. 1
Звонко Карановиќ

Feedback
Нежно кршење на брчките околу усните
Бикини за бебе, блуз за капка роса
Сите најдобри песни зборуваат за копнеж
Во излогот на евтини слатки
Бучава, шаренило, будење
Ескимо сретнува Албино
Меланхолија

_______________________________________________________________________

Feedback

Се вратив во градот
и ги најдов како стојат
помеѓу
галеријата и барот
вкочанети зјапаат во бетонот
и ја чекаат полноќта за да ги спуштат ролетните
на уште еден ден
се вратив и видов купишта
безживотно младо месо
на улиците и тротоарите
шугави исклештени
мачки
кои секому јадат од рака
и знаат да зборуваат единствено за себе
о, колку добро
го познавав градот
во кој сум роден
како го чувствував пулсирањето на безнадежноста
на секое зрно прашина
кое се раѓа и умира
на местото на кое и јас му припаѓам
сакав да исчезнам
со тупаница
да го скршам прозорецот
од клаустрофобичната подморница на свеста
и од рамениците да го симнам товарот на океанот
по чие дно трчам
сепак
со сигурен чекор
на одамна стекната навика
застанав покрај нив
го голтнав киселото картонче
и се придружив кон минутата молк
гледав во бетонот
и вовлекував димови од цигарата
градот стенкаше
под топотот на осаменоста
од небото паѓаа чевли
во сите облици и бои
и јас ги љубев оние
што најмногу ги сакам
црни шпицести со тенка штикла


Ова е извадок од:
еКнига
Печатена книга




Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+