Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 101-102 | година  | ноември-декември, 2015



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 101-102ноември-декември, 2015
Звук Осврти

Марк Сендмен: Морфејот на мојата ноќ

/2
стр. 1
Мехмед Бегиќ

_______________________________________________________________________

На друга страна

    Пред вратата на куќата во која живеам веќе предолго висат амајлии кои ги направи ќерка ми. Веќе не се плашам од гонење во соништата. Ветрот ги нишка тие чувари на соништата и се провлекува низ мрежите на прозорците. Во градината пред куќата има палми, а под палмите грмушки алое вера. Ништо од ова можеби не значи ништо, ама ме смирува во времињата кога го нема дождот кој се чека.
    Од другата страна, во друго време, во некоја Европа пред крајот на минатиот век, Марк Сендмен ја освојуваше Европа, препознаен како водач на нешто што ги обединува Гинсберг, Ферлингети и Кероак. Звукот кој го создаваше Морфин на многумина им стануваше уште поголема фасцинација откако ќе ги видеа во живо. Сендмен пред тоа го одработи својот дел од животот на пат, од Аљаска каде што професионално се занимаваше со риболов, преку Средна и Јужна Америка, животот со тамошните печурки и марихуана, изгуби двајца браќа во меѓувреме и стигна да го избодат со нож додека возел такси…
    Па сепак успеа да остане мистериозен човек на сопствената приватност кого амбицијата го присили да стане глас на сосема поинаков звук. На она што истовремено доаѓа од иднината, ама и од минатото, како ритмот на лутањето на истрошените чевли на Кероак во дваесет и седмиот век.
    Туку, кажи ми, знаеш ли како се повикува дожд? Колку трпение треба да се дочека облак без повикување? Повикувањето на дождот во сезоната на дождови е посебен ритуал. Тотемите и амајлиите тука воглавно не помагаат. Да се остават одредени соништа зад себе исто така не помага. Болката е неподнослива додека не помине. Зборовите помагаат. И соништата, ако не се претворат во кошмари.
      
      Kerouac:

Она што не го гледаме

    Да ја избањаа италијанските милосрдни капки древната Палестрина, и да не беше толку жешко, можеби срцето на Сендмен не би престанало, можеби децении подоцна во болнички кревет ќе го убиваше некој од сеприсутните ракови. Ама ќе дочекаше да види колку го сакаме албумот The Night и ние сите би ги имале албумите кои Морфин во меѓувреме би ги снимил. Не се осмелувам да размислувам за тие неможности.
    Од лично искуство знам дека тројца е сосема доволно за магија. Ѝ се враќам на музиката. Баритон саксофон, тапани и слајд токму со две жици создаваат тага на која не се танцува. Таму каде што блузот заведува, џезот го создава Low Rock. Или Fuck Rock, како што велеше некогаш






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+