Културна установа Блесок • Основана во 1998 г.
Ново од Блесок

уметноста е внатре

ISSN 1409-6900 | UDK 82+7     Блесок бр. 103-104 | година  | декември, 2015



[размена]



SLOVOKULT.DE
KRUG
BALKANI
OKF







                     Рецензирано списание
Блесок бр. 103-104декември, 2015
Поезија

Песни

/7
стр. 1
Тихомир Јанчовски

Писмо
Не е до мене
Зимско утро
Не ми се зборува
Убавината ќе го спаси светот
Геометрија
Што да се прави?

_______________________________________________________________________

Писмо

    Во ова време на електронска пошта
    јас ти напишав писмо. Го најдов
    пред некој ден, сум го напишал
    и сум го заборавил. Писмото никогаш
    не е пратено, а сепак сум очекувал
    одговор. Во време кога и јас и сите
    проверуваме само електронска пошта,
    пред некое време, сум напишал писмо.
    Не е проштална порака на самоубиец,
    ни дневнички запис, не е ни љубовно писмо.
    Разговор е со судбината, со самиот себе,
    порака до промислата, до иднината,
    нејасно е, пренатрупано и за друг
    човек, неразбирливо. За важните
    работи не умеам да пишувам убаво.
    Веќе и заборавив што пишуваше внатре.
    Го стуткав, но не го фрлив, пак
    го одвиткав и го ставив некаде, за
    да ме изненади некој иден ден, кога
    ќе претурам по фиоките и полиците.
    Можеби тогаш ќе најдам дека желбите
    за спокој, радост и смисла изразени таму
    се веќе остварени, или дека со време
    станале беспредметни. Се сеќавам на
    ракописот, не и на зборовите. Буквите
    се читливи и издолжени. Има расположенија
    кога се отфрлаат стари работи, и спротивни
    кога ми е жал да ги фрлам. Се трупаат
    во подрумите, таваните и во потсвеста.
    Таму се преиспитува минатото.






Изданијата на „Блесок“ од број 01 до број 93 се достапни и на веб сајтот на CEEOL.

Со купување на некој од нашите наслови, директно ги помагате нашите активности. Ви благодариме!



50%


СЛЕДЕТЕ НÈ:
посетете нè на Facebook следете нè на Twitter следете нè на Google+